2017年度HKSONG流行榜頒獎典禮

頒獎日期：2018年1月20日 (星期六)
頒發獎項數目：29
頒發獎項：
1個年度至尊金曲(最高分歌曲)、
9個年度金曲獎(第二高至第十高分歌曲)、
1個最佳合唱歌曲獎、 3個最佳男歌手、
3個最佳女歌手、
3個最佳組合、
1個最佳唱作人、
3個最佳新人、
2個最佳唱片、
3個滄海遺珠歌曲獎、
1個最佳合唱歌曲（2017年新增設獎項）
計算月份/週次 (回合)：1至12月, 第1至52週

註解：

1. 曾奪冠軍之歌曲只於「冠軍歌曲」列出，不再於「上榜歌曲」列出

2. 圖片來源：歌手相關MV截圖

---

滄海遺珠歌曲獎：

呢個獎項係2016年增設，雖然話係滄海遺珠，但其實都好受大家歡迎，不過呢啲歌喺個榜比較塞時推出，榜主有其他更加鍾意嘅歌要上榜，又或者首歌出左比較耐之後先發現幾襟聽，但時機過咗佢地就無緣上榜喇。今年呢個獎同上年一樣，都係由最後五強中選出三首歌得獎。

最後五強： 周柏豪 - 月光濃湯
陳柏宇 - 磚頭
黃意雅 - 失散
容祖兒 - 最好時光
胡鴻鈞 - 到此一遊

呢首歌佢特登多謝樂迷支持，我其實都算係佢樂迷黎架，前兩年甚至喺我榜攞過大獎，2017年又有去佢紅館演唱會支持。偏偏呢首第3 PLUG我覺得派得唔合時，榜都上唔到，不過唔緊要啦，而家攞呢個獎補返數！

呢套劇嘅成功令佢2017年人氣急升，而首歌喺套劇完左咁耐都仲HIT緊，認真犀利。唔知你聽日電視頒獎禮拎唔拎到獎呢？不過我就覺得同劇另一首歌好似仲好聽，而且係本榜2018年第一週冠軍歌！希望你真係兌現承諾，今年專注唱歌啦！

2017年佢休息一年，終於無再上頒獎台，唔知你又有冇因為咁，反而掛住佢過去十幾年稱霸樂壇嘅時光？

---

最佳新人獎：

銅獎得主，其實佢8年前參加歌唱比賽已經有留意佢，今年終於出道。

下位歌手可能比王嘉儀仲資深！原來佢十年前參加新秀架喇。佢今年好似全年都係只出過一首歌，但呢首歌分數高到喺年中幾乎打入當時嘅十大。

金獎呢位歌手都係參加歌唱比賽出身，但年資就淺過其他兩位喇。雖然佢入呢間公司會令多啲人識佢，但都唔知係好事定壞事。暫時佢今年嘅歌都唔錯，特別係第二PLUG好清新。希望佢公司唔好搞衰佢啦（雖然我覺得都係凶多吉少...）

---

之後會頒發今年新增設嘅最佳合唱歌曲獎。呢個獎會頒比全年最高分嘅合唱歌（FEATURING的歌曲除外）。

最佳合唱歌曲獎：

---

年度歌曲獎（第10位至第2位）：

今年主要得獎歌都係年頭 (第一、二季)上榜，只有第四位、第九位同第十位係第三、四季推出。

第10位: 有好多人話我記性好好，但其實都唔一定係好事，例如以前做過嘅錯事醜事，寧願唔記得好過，更擔心嘅係其他人都會一直記住，時時拎返出黎講。
上榜8週 (第38-43,51-52週)，於第39週冠軍。

第9位: 今年年尾嘅歌好似無咁襟聽，呢首要到最後關頭力谷先得第九位！
上榜8週 (第43-50週)，於第45週冠軍。

第8位冷門到我計完分之後唔信，真係無諗過要頒獎俾佢地。不過今年佢地好似傳不和，希望呢首唔係佢地最後一首得獎歌啦。
上榜7週 (第12-18週)，於第18週冠軍。

第7位: 呢位歌手同第十位都有d關連喎。今年轉新公司，新開始，而同公司另一位女歌手呢幾年都好紅，頭先上過台添喇，唔知呢位資深d嘅歌手會唔會紅返起呢？呢首歌都有成150萬views。近排出左新歌，未派台就已經上左歡樂滿東華唱，唔知成績又如何？
上榜9週 (第10-16, 49-50週)，於第13週冠軍。

第6位: 其實唔係好明大家點解好似咁憎佢地。雖然佢地有d歌風格類似，又MK (定應該係KT?)情歌，不過佢地都無放棄到原本風格丫。繼上年三部曲大受歡迎後 (其中一首拎左本榜至尊歌添)，年尾出左呢首好ROCK嘅歌，跨年上榜，仲拎多次今年十大。計埋上年年尾，呢首歌上左榜15星期，唔計上年都上左11星期，一定係今年上榜最長嘅歌喇！
上榜11週 (第1-9,50-51週)，於第1週冠軍。收錄在《101》。

第5位: 休息一整年後，2017年第二日就即刻派歌。婚後第一首歌，大家覺得佢成熟左。順帶一提，呢首係2017年唯一一首雙週冠嘅歌。

上榜7週 (第1-7週)，於第2-3週冠軍。收錄在《One Step Closer》

第4位: 真巧合，上年佢又係拎十大第四位。佢都剛剛結左婚無耐，祝佢新婚快樂！
上榜9週 (第31-38,52週)，於第34週冠軍。收錄在《My Taste of Life》。

第3位: 年尾重新上榜，因為作呢首曲俾佢嘅師妹自己唱返首英文版，另有一番風味。我兩首都鍾意，不過師妹就慘d, 上榜quota俾埋師姐呢首歌，造就佢拎第三位。而我對呢首歌都有深刻體會。
上榜9週 (第11-17, 48-49週)，於第12週冠軍。收錄在《Love And Other Things》

第2位: 以前我都好鍾意凌晨先做野溫書，覺得效率高過日頭好多。而家要返工，已經無呢支歌仔唱了。
上榜7週 (第14-20週)，於第15週冠軍。收錄在《Luna》。

---

最佳唱作人獎：

　

---

最佳男歌手獎：

銅獎呢位得主默默耕耘，今年唔經唔覺出左八首歌，有唔少都屬佳作，夾埋d分原來都唔少 (我事前都無預過佢會有獎，點知都拋離第四位幾遠)。其實佢都係07年出道架，希望佢嘅歌能夠有多d人留意啦！佢黎緊演出嘅歌係八首入面其中一首好少人識但我又好鍾意嘅。

你同師兄好似輪流拎獎咁，你前年拎完男銀，舊年到師兄拎男金，而你就差幾分失落左銅獎。恭喜你今年重奪男銀，今晚第三個獎喇！

佢年頭每兩星期派一首歌去電台或者網上音樂平台，收復上年失地，全碟七首歌有三首主打，兩首反應都唔錯。而七首入面有六首都上左本榜，所以年頭已經爆晒分。另外佢年內仲有一首合唱歌同一首劇集歌，而中間仲有三首比較低調但都幾正嘅國語歌。但大家年尾好似忘記了佢，連我最喜愛男歌手五強都不入，係咪因為佢竟然轉左去某間令人好厭惡嘅公司？呢個獎係俾喺舊公司嘅佢，至於入左新公司之後，我都好擔心佢嘅將來…

---

最佳唱片獎：

---

最佳女歌手獎：

銅獎得主繼續冧莊，連續三年女銅。原來本榜2013年復榜後，你五年都有獎，2013年係新人獎。十大方面，2014年第四位，2015年第三位，2017年第二位，唔知2018年你會唔會拎埋至尊歌？好期待啊！

唱歌都要揀啱時機，特別是香港女歌手，而你就真係揀啱左2017年！由一月開始就有第一首派台歌，入面兩句好特別嘅歌詞仲引起全城熱話，之後個勢仲一直keep到年尾，仲順利拎埋個個女歌手都好恨拎，但十年都無換過人嘅獎，啱啱仲開埋演唱會。不過年中其中一plug唔太啱我心水而無上榜，令你失落本榜女金，繼2014年後再一次拎女銀。希望你2018年keep住啊。

金獎又一位冧莊人士，其實佢上半年無乜聲氣，得上年跨年歌同埋一首合唱歌，但年尾發力，下半年三首歌都達70分以上，一追就追左上黎。

---

第二最佳唱片獎：

---

最佳組合獎：

我好擔心組合銅獎得主主音嘅聲音，因為佢每次演出都好聲嘶力竭咁大嗌，次次睇到都鄧佢辛苦，同埋覺得有d過左火… 今年佢地表現唔係特別標青，但都在頒獎禮中繼續拎大獎，似乎有點過分吹捧播。而佢地年頭嘅一首歌得分排第11位，僅僅差一分先拎到十大，而家就俾你唱返呢首歌啦。

組銀以前一直行清新風格，年頭就帶來一首驚喜作品，其後表現亦繼續出色，九月另一首作品我都好喜歡，但坊間反應就好似一般。今年你地咁努力，呢個獎實至名歸！ (其實組合競爭都幾激烈，銀獎銅獎同第四位分數好近，要到最後一週先分到勝負)

金獎得住今年一炮而紅，雖然而家出名左好多，歌又好聽左 (個人認為)，但見到有d樂迷comment似乎有d不滿喎。頭先頒十大其實都講過類似嘅野，我覺得樂隊無話要唱死邊種style或者一定要跟死當初果套去行，因為佢地都會成長，而大眾口味亦都會隨時間而變化，點解大家唔俾佢地求變，為自己尋找適合嘅風格？反正佢地又無話過以後唔唱以前嘅歌。其實佢地最新一plug我第一次聽嘅時候都覺得有少少佢地以前嘅style架。總之我認為只要取到平衡就得啦。

---

年度至尊金曲獎：

黎到今晚壓軸獎項：年度至尊金曲，我諗呢首無懸念啦，而且剛剛佢地攞獎無理由唔唱果首架麻！其實頭先果首都好好聽架，亦都好有意思，我仲諗過俾果首十大而唔係呢首添，所以大家miss左就細心欣賞多次啦。最後，呢首歌咁出名，希望佢地努力d練下live！
上榜9週 (第13-21週)，於第14週冠軍。

　

---

得獎統計：

歌手名字	年度金曲獎 (數字=名次)	最佳唱作人獎	最佳大碟獎 (數字=名次)	最佳新人獎 (金/銀/銅)	最佳歌手獎 (男/女/組合, 金/銀/銅)	我最喜愛獎項 (歌曲/合唱歌曲/男/女/組合)	滄海遺珠歌曲獎	最佳合唱歌曲	合共得獎數量
周柏豪	5		1		男, 金				3
衛蘭	3		2		女, 銀				3
AGA	2	V			女, 銅				3
ToNick	1				組合, 金				2
JW	9				女, 金				2
林奕匡	4				男, 銀				2
Robynn & Kendy					組合, 銀				1
小肥					男, 銅				1
Supper Moment					組合, 銅				1
Dear Jane	6								1
關楚耀	7								1
Super Girls	8								1
吳浩康	10								1
伍富橋				金					1
林若盈				銀					1
王嘉儀				銅					1
陳柏宇							V		1
胡鴻鈞							V		1
容祖兒							V		1
泳兒								V	0.5
黎瑞恩								V	0.5
									29

---

2008至2017年度獎項一覽

2017季度獎項一覽

2017年度分數公布 (稍後發放)